देव द्वादशी स्तोत्रम्
प्रार्थनम्
दयस्व देव देवदेव शंकराभयंकर
परेश ते पदे नमांसि रामनामभासुरे
मनोलयं तवालये महालये कुरुष्व मे
जगत्प्रसिद्ध सिद्धिमष्ट-भूतिमिष्टसाधनाम्।
ओं नमश्शिवाय ... ओं नमश्शिवाय - ओं नमश्शिवाय दीक्षितेश्वरा ...
तीर्थस्थानम् - अयोध्या – काशी/ श्रीशैलम्
महापगा पयस्समूह सिक्त दिव्यगात्रकम्
स्वरूप सिद्ध नन्दनार्थ संगृहीत दैवतम्।
सुरूप दर्शनोत्क लक्षकोटि कृष्टिमण्डलम्
विशाल नेत्र पीत दिव्य मङ्गलात्मदर्शनम्।।
ओम् नमश्शिवाय हर ओं नमश्शिवाय (हरे+ ओम्)
अर्चनम्
समर्चितं नमस्सहस्रमस्तु सुन्दरेश ते
पुनःपुनश्च रुद्रयागहोमकर्मणा प्रभो।
महाभिषेचनेन संप्रसारितानवद्यता
विलासयेदुमापते त्वदीयदृष्टिकारणात्।।
प्रलयकर्ता स्रष्टा च
महाशरारु भीषणं मृधे मृधे विजित्वरम्
महात्यये समस्त जीवि सञ्चय प्रलापकम्।
स्वकीय कर्म लेप शेष मार्जनाय जीविनाम्
पुनर्विभावयन्तमच्छ सर्जकं विभुं भजे।।
नामधेय- वरप्रदानम्
मनोभिराम मञ्जुलेष्टनामधेयवन्दितम्
मनोविराम भन्दनैक भागधेयमण्डितम्।
मनोविकार निर्गति प्रकारकं महावरम्
नमोवचोभि.रिष्टसिद्धिदायकं निरीश्वरम्।।
त्रिपुरसंहारः
पुरत्रयं त्वया क्षणेन भस्मसादकारि हे
तनूनपादनीक सोमशल्य विष्णुतेजन।
महेषुधिं धनुश्शरं धरन्त.मादिपूरुषम्
भवन्तमत्र संभजे पुरत्रयोपसंहृते।।
शरत्रयम् - लोकपोषणम्
इहान्न-वात-वर्ष रूप भौवनप्ररक्षकं
शिलीमुखत्रयं दधान.मात्तलोकपालनम्।
समस्तजीवपोषणे सुपेशलं महेश्वरम्
निरस्तघोरसङ्कट क्षुधं वितीर्णपोषणम्।।
लक्षणम्
अकामवर्तनीश्वरं प्रकाम कामवर्षणं
प्रदग्धमन्मथं ललाटलोचनेन लाघवात्।
अनिष्टहेतुशोकनाश.मिष्टदानसौष्ठवम्
विसाययन्त.मन्तहीन-वाञ्छिता.न्यसाध्वसम्।
पालनम्
विचञ्चुरीकमानसं निजासनेन खादयन्
स्थिरस्वभाव.निर्भरां सदा प्रसादयन् धियम्।
मनीषिवर्ग पोषणं विशेषशुद्धसंविदं
प्रदापयन् विलालयेत् स मल्लिकार्जुनश्शिवः।
(सदाशिवस्सदासुखी)
(खदस्थैर्ये)
पोषणम्
उमासहाय.मादिमं त्रिलोकतात.वर्णितम्
समस्तभूत.जीवनाय जेमनप्रदायकम्।
निवात वस्त्र शम्बरादि दानतोविता पिता
सदास्मि चेति सन्ततं निरूपयन्त.मीडये।।
समापनम्
भवामि भावयामि भव्य.मात्मलक्षणं भुवो
विभेषणे न कोपि किञ्चिदुन्नमय्य दोर्युगम्। (भेषृ- भये)
प्रवर्तते विशीर्यते विलम्बितं ततो जनाः
भिया धिया विदा भवेत बोधयन् शिवोवतात्।।
प्रसादनम्
श्रुतिप्रणीतरुद्रयागमण्डितो हि धूर्जटी-
रुतेन रुद्रमन्त्रनामकीर्तनेन सङ्गतिम्।
प्रसादये.दजेश्वरो दयाघनो भवश्शिवं
हृदीष.दादरा.च्चकास्तु देववन्दित.स्सदा।।
फलश्रुतिः
सच्चिदानन्द रूपेण विबुभूषन्ति ये जनाः।
अधीयते स्तुतिं राम-नामावेद् रुद्रदैवतम्।।
దేవ ద్వాదశీ స్తోత్రమ్
1) ప్రార్థనమ్
దయస్వ దేవ దేవదేవ శంకరాభయంకర
పరేశ తే పదే నమాంసి రామనామ.భాసురే
మనోలయం తవాలయే మహాలయే కురుష్వ మే
జగత్ ప్రసిద్ధ సిద్ధి.మష్ట-భూతి.మిష్టసాధనామ్.
ఓం నమశ్శివాయ ... ఓం నమశ్శివాయ –
నమో నమో మహేశ్వరా నమో నమో పరేశ్వర
2) తీర్థస్థానమ్ - అయోధ్యా – కాశీ/ శ్రీశైలమ్
మహాపగా పయస్సమూహ సిక్త దివ్యగాత్రకమ్
స్వరూప సిద్ధ నన్దనార్థ సంగృహీత దైవతమ్.
సురూప దర్శనోత్క లక్షకోటి కృష్టిమణ్డలమ్
విశాల నేత్ర పీత దివ్య మంగలాత్మదర్శనమ్..
ఓం నమశ్శివాయ ఓం నమశ్శివాయ ఓం నమశ్శివాయ దీక్షితేశ్వరా
3) అర్చనమ్
సమర్చితం నమస్సహస్రమస్తు సున్దరేశ తే
పునఃపునశ్చ రుద్రయాగహోమకర్మణా ప్రభో.
మహాభిషేచనేన సంప్రసారితానవద్యతా
విలాసయేదుమాపతే త్వదీయదృష్టికారణాత్..
4) ప్రలయకర్తా స్రష్టా చ
మహాశరారు భీషణం మృధే మృధే విజిత్వరమ్
మహాత్యయే సమస్త జీవి సఞ్చయ ప్రలాపకమ్.
స్వకీయ కర్మ లేప శేష మార్జనాయ జీవినామ్
పునర్విభావయన్తమచ్ఛ సర్జకం విభుం భజే..
5) నామధేయ- వరప్రదానమ్
మనోభిరామ మంజులేష్ట నామధేయవన్దితమ్
మనోవిరామ భన్దనైక భాగధేయమణ్డితమ్.
మనోవికార నిర్గతి ప్రకారకం మహావరమ్
నమోవచోభి.రిష్టసిద్ధిదాయకం నిరీశ్వరమ్।।
6) త్రిపురసంహారః
పురత్రయం త్వయా క్షణేన భస్మసాదకారి హే
తనూనపాదనీక సోమశల్య విష్ణుతేజన.
మహేషుధిం ధనుశ్శరం ధరంత.మాదిపూరుషమ్
భవన్తమత్ర సంభజే పురత్రయోపసంహృతే..
7) శరత్రయమ్ - లోకపోషణమ్
ఇహాన్న-వాత-వర్ష రూప భౌవనప్రరక్షకం
శిలీముఖత్రయం దధాన.మాత్తలోకపాలనమ్.
సమస్తజీవపోషణే సుపేశలం మహేశ్వరమ్
నిరస్తఘోరసఙ్కట క్షుధం వితీర్ణపోషణమ్..
8) లక్షణమ్
అకామవర్తనీశ్వరం ప్రకామ కామవర్షణం
ప్రదగ్ధమన్మథం లలాటలోచనేన లాఘవాత్.
అనిష్టహేతుశోకనాశ.మిష్టదానసౌష్ఠవమ్
విసాయయన్త.మన్తహీన-వాంఛితా. న్యసాధ్వసమ్.
9) పాలనమ్
విచంచురీకమానసం నిజాసనేన ఖాదయన్
స్థిరస్వభావ.నిర్భరాం సదా ప్రసాదయన్ ధియమ్.
మనీషివర్గ పోషణం విశేషశుద్ధసంవిదం
ప్రదాపయన్ విలాలయేత్ స మల్లికార్జునశ్శివః.
(సదాశివస్సదాసుఖీ)
(ఖదస్థైర్యే)
10) పోషణమ్
ఉమాసహాయ.మాదిమం త్రిలోకతాత.వర్ణితమ్
సమస్తభూత.జీవనాయ జేమనప్రదాయకమ్.
నివాత వస్త్ర శమ్బరాది దానతోవితా పితా
సదాస్మి చేతి సన్తతం నిరూపయన్త.మీడయే..
11) సమాపనమ్
భవామి భావయామి భవ్య.మాత్మలక్షణం భువో
విభేషణే న కోపి కిఞ్చిదున్నమయ్య దోర్యుగమ్.
ప్రవర్తతే విశీర్యతే విలమ్బితం తతో జనాః
భియా ధియా విదా భవేత బోధయన్ శివోవతాత్..
12) ప్రసాదనమ్
శ్రుతిప్రణీతరుద్రయాగమణ్డితో హి ధూర్జటీ-
రుతేన రుద్రమన్త్రనామకీర్తనేన సఙ్గతిమ్.
ప్రసాదయే.దజేశ్వరో దయాఘనో భవశ్శివం
హృదీష.దాదరా.చ్చకాస్తు దేవవందితస్సదా..
ఫలశ్రుతిః
సచ్చిదానన్ద రూపేణ విబుభూషన్తి యే జనాః.
అధీయతే స్తుతిం రామ-నామావేద్ రుద్రదైవతమ్..